Fréttir

Próftími fjarnema er að hefjast

02.12.2016

Í dag hofst próftímabilið hjá fjarnemum á svæðinu. Fyrstu nemendur eru mættir í Námsver Kvennaskólans. Við óskum öllum nemendunum velgengni í prófunum!

 

Námsver hefur verið staðsett í Kvennaskólanum siðan haustið 2014 undir umsjón starfsmanna Þekkingarsetursins.

Á Norðurlandi vestra eru starfandi fjögur námsver, á Hvammstanga, Blönduósi, Skagaströnd og Sauðárkróki. Sveitarfélögin reka námsverin, hvert á sínu svæði. 

Í námsverinu í Kvennaskólanum er fjarfundabúnaður í eigu Farskóla NV, FS háhraðanet, aðstaða til ljósritunar, prentunar og einnig kaffiaðstaða. Nemendur geta fengið lykla kjósi þeir það og hafa þá aðgang að námsverinu utan skrifstofutíma. Námsverið eru ætluð háskólanemum í fjarnámi auk annara fjarnema. 

Starfsmenn Þekkingarsetursins aðstoða nemendur ef þörf er á, t.d. við að svara spurningum varðandi háskólanám, koma þeim í samband við starfs- og námsráðgjafa Farskólans, sitja yfir prófum,  en nemendur sem taka fjarpróf hjá okkur koma meðal annars frá Hvanneyri, Háskólanum á Akureyri, Háskóla Íslands, Tækniskólanum, Verkmenntaskólanum á Akureyri og Verzlunarskólanum.