Fréttir

Lee Ann Maginnis ráðin fulltrúi á skrifstofu hjá Þekkingarsetrinu

03.03.2017

Lee Ann Maginnis hefur verið ráðin fulltrúi á skrifstofu hjá Þekkingarsetrinu. 

Lee Ann er fædd árið 1985 og búsett á Blönduósi. Hún lauk BS gráðu í viðskiptalögfræði frá Háskólanum á Bifröst árið 2012 og ML gráðu í lögfræði frá sama skóla árið 2014. Frá útskrift starfaði Lee Ann sem verkefnastjóri hjá Háskólanum á Bifröst, sem lögfræðingur hjá sýslumanninum á Norðurlandi vestra og verkefnastjóri upplýsingamiðstöðvar ferðamála í A-Hún. 

Hjá Þekkingarsetrinu mun Lee Ann m.a. sinna almennum rekstri skrifstofu, hafa umsjón með Námsveri, veita leiðsögn um Kvennaskólann og vera listamönnum sem dvelja í listamiðstöðinni innan handar á meðan á dvöl þeirra stendur.

Við bjóðum Lee Ann velkomna til starfa.