Fréttir

Útskrift úr raunfærnimati hjá Farskólanum

27.11.2015
Ánægjuleg stund í námsverinu í Kvennaskólanum: Fimm þátttakendur frá Blönduósi voru að útskrifast úr "raunfærnimati á móti námskrá leikskólaliða og stuðningsfulltrúa" hjá Farskólanum. 
 

Ánægjuleg stund í Námsverinu í Kvennaskólanum: Fimm þátttakendur frá Blönduósi voru að útskrifast úr "raunfærnimati á móti námskrá leikskólaliða og stuðningsfulltrúa" hjá Farskólanum NV. 

Árið 2013 hófu starfsmenn Farskólans að undirbúa raunfærnimat á móti námskrá leikskólaliða og stuðningsfulltrúa.Verkefnið var auglýst vel og vandlega og vorið 2015 heimsóttu Aðalheiður Reynisdóttir, þáverandi  náms- og starfsráðgjafi Farskólans og Jóhann Ingólfsson verkefnastjóri, alla grunnskóla og leikskóla á Norðurlandi vestra til að kynna verkefnið. Mikill áhugi var á svæðinu fyrir raunfærnimatinu og náminu.

Raunfærnimat fór fram nú á haustmánuðum. Matsaðilar komu frá Akureyri. Samtals voru tekin 128 matsviðtöl. Fjöldi framhaldsskólaeininga til mats var 384. Staðnar einingar voru 345. Fjöldi þeirra sem fóru í raunfærnimatið var 25, en þátttakendur komu frá Sauðárkróki, Hvammstanga og Blönduósi. Nám á leikskólaliða- og stuðningsfulltrúabrú hófst í september í samstarfi við SÍMEY og Fræðslumiðstöð Vestfjarða. Þátttaka í náminu er góð.

Sandra Hilmarsdóttir, sem sinnir náms- og starfsráðgjöf hjá Farskólanum hefur borið hitann og þungann af verkefninu nú í haust, ásamt Aðalheiði og Jóhanni. Jóhann Ingólfsson er verkefnastjóri námsins.

Fleiri upplýsingar má finna á heimasíðu Farskólans, www.farskolinn.is.

Við óskum þátttakendum til hamingju með árangurinn!